Orðaskifti beinleiðis

Leiting

Løgtingstíðindi

Gerðabók

« Aftur

 

BI/sm

 

13.    fundur 

 

Ár 2018, fríggjadagin, 5. oktober, kl. 13.00, varð tingfundur settur.


Løgtingsmenninir Kristin Michelsen, Jákup Mikkelsen og Jacob Vestergaard og landsstýrismenninir Sirið Stenberg og Rigmor Dam og løgmaður og ríkisumboðsmaðurin vóru ikki á fundi.


Til viðgerðar:

 

1.       3. viðgerð av tingmáli nr. 35/2018: Uppskot til eykajáttanarløgtingslóg fyri september 2018-3

Sum samtykt við 2. viðgerð, endaliga samtykt 25-0-0
Málið avgreitt

2.       3. viðgerð av tingmáli nr. 36/2018: Uppskot til løgtingslóg um at byggja eykabát til Strandfaraskip Landsins

Sum samtykt við 2. viðgerð, endaliga samtykt 23-0-1
Málið avgreitt

3.       1. viðgerð av tingmáli nr. 48/2018: Uppskot til løgtingslóg um stuðul til dupult húsarhald (Stuðul til persónar sum av arbeiðsávum hava útreiðslur til dupult húsarhald)

Málið beint í Fíggjarnevndina

4.       1. viðgerð av tingmáli nr. 46/2018: Uppskot til løgtingslóg um broyting í løgtingslóg um meirvirðisgjald (Meirvirðisgjaldslógin) (leigubilar og leingjan av freist)

Málið beint í Fíggjarnevndina

5.       1. viðgerð av tingmáli nr. 40/2018: Uppskot til løgtingslóg um veiðigjald


Málið beint í Vinnunevndina

 

6.       Framløga
Formaðurin boðaði frá, at løgtingsmenninir Bárður Nielsen, Edmund Joensen, Kaj Leo Holm Johannesen, Magnus Rasmussen og Bjørn Kalsø, hava lagt fram tingmál nr. 51/2018: Uppskot til løgtingslóg um broyting í løgtingslóg um val til Løgtingið og løgtingslóg um val til allar føroyskar kommunur.

 

Formaðurin setti næsta fund at verða mánadagin, 8. oktober 2018, kl. 10.00, við hesi dags­skrá:

1.       1. viðgerð av tingmáli nr. 21/2018: Uppskot til samtyktar um barnaansingargjald
Málið verður beint í Mentanarnevndina

2.       1. viðgerð av tingmáli 23/2018: Uppskot til løgtingslóg um broyting í løgtingslóg um kringvarp (Vinnufeløg undantikin kringvarpsgjald)
Málið verður beint í Mentanarnevndina

3.       1. viðgerð av tingmáli nr. 33/2018: Uppskot til løgtingslóg um stuðul at byggja fótbóltshallir
Málið verður beint í Mentanarnevndina

4.       1. viðgerð av tingmáli nr. 39/2018: Uppskot til samtyktar um, at allir miðnámsskúlanæmingar fáa lestrarstuðul
Málið verður beint í Mentanarnevndina

5.       1. viðgerð av tingmáli nr. 31/2018: Uppskot til løgtingslóg um broyting í løgtingslóg um fyrisiting av sjófeingi (Avtaka uppboðssølu av fiskirættindum)
Málið verður beint í Vinnunevndina

6.       1. viðgerð av tingmáli nr. 30/2018: Uppskot til løgtingslóg um broyting í løgtingslóg um fyrisiting av sjófeingi (Strika uppboðssølu av rættindum á Flemish Cap)
Málið verður beint í Vinnunevndina

7.       1. viðgerð av tingmáli nr. 19/2018: Uppskot til løgtingslóg um broyting í løgtingslóg um landsskatt og kommunuskatt (Skattalógin)(Skattafríar gávur)
Málið verður beint í Fíggjarnevndina

8.       1. viðgerð av tingmáli nr. 20/2018: Uppskot til samtyktar um at javnseta privata og almenna bústaðarbygging
Málið verður beint í Fíggjarnevndina

9.       Framløga



Fundur lokin kl. 17.05

 

 

Páll á Reynatúgvu

løgtingsformaður

 

/Beinta Isaksen
skrivari